Savevas Vus ch’il Grischun ha var 80 museums e 15 archivs da cultura ed è cun quai ina da las parts dal mund cun ils pli blers museums?

Museums Grischuns represchenta ils interess dals museums e dals archivs culturels envers il Chantun, ils partenaris surregiunals e la publicitad. L’uniun sustegna ils museums cun ina cussegliaziun professiunala en tut ils champs da la lavur (collecziunar, conservar, documentar, intermediar, etc.). Ella coordinescha e promova la collavuraziun tranter ils museums ed ils archivs culturels, las instituziuns chantunalas e las instituziuns da medem gener extrachantunalas. En in mandat da prestaziun cun il Chantun garanteschan l’uniun ed il secretariat da porscher als museums ed als archivs culturels cussegliaziuns, infurmaziuns ed offertas da perfecziunament.